| Intro | Historian | ||||
| Was |
Historian Archaeologist |
||||
| From | Armenia | ||||
| Type | Social science | ||||
| Gender | male | ||||
| Birth | 21 November 1929, Yerevan, Armenia | ||||
| Death |
30 June 2006, Yerevan, Armenia (aged 76 years) |
||||
| Star sign | Scorpio | ||||
| Education |
|
-
- Անվան այլ կիրառումների համար տե՛ս՝ Ստեփան Եսայան (այլ կիրառումներ)
Ստեփան Ալեքսանդրի Եսայան (նոյեմբերի 21, 1929(1929-11-21), Երևան, Հայկական ԽՍՀ, ԱԽՖՍՀ, ԽՍՀՄ – հունիսի 30, 2006(2006-06-30), Երևան, Հայաստան), խորհրդահայ պատմաբան և հնագետ,պատմական գիտությունների դոկտոր, պրոֆեսոր (1989 թվական)։
Կենսագրություն
Ծնվել է 1929 թվականի նոյեմբերի 21-ին Երևանում։ 1948 թվականին ավարտել է Երևանի թիվ 8 դպրոցը, 1953 թվականին՝ ԵՊՀ պատմության ֆակուլտետը։ 1953-1956 թվականներին աշխատել է Երևանի էքսկուրսիոն վարչությունում։ 1956-1959 թվականներին եղել է Հայաստանի պատմության պետական թանգարանի գիտաշխատող։ 1959-1983 թվականներին եղել է Հայկական ԽՍՀ ԳԱ հնագիտության և ազգագրության ինստիտուտի գիտաշխատող։ 1983-2001 թվականներին եղել է ԵՊՀ պատմության ֆակուլտետի հնագիտության ամբիոնի վարիչ, իսկ 2001-2006 թվականներին՝ նույն ամբիոնի պրոֆեսոր։
Ստեփան Եսայանը 1962 թվականին պաշտպանել է թեկնածուական, 1974 թվականին՝ դոկտորական դիսերտացիա։ 1989 թվականին դարձել է պրոֆեսոր։ Դեռևս ուսանողական տարիներին մասնակցություն է ունեցել Կարմիր բլուրի (1949-1967), Դվինի (1950-1959), Լճաշենի (1956-1959) պեղումներին։ Հետագայում ինքնուրույն արշավախումբ է գլխավորել Իջևան-Տավուշի (1960-1971), Այգևանի (1971-1987), Օշականի (1984) հնագիտական պեղումների ժամանակ։
Մահացել է 2006 թվականի հունիսի 30-ին Երևանում։
Գործունեություն
Երկարամյա պեղումների արդյունքներն ամփոփված են նրա 150-ից ավելի հոդվածներում և ութ մենագրություններում: Եսայանը բազմիցս մասնակցել է հանրապետական, համամիութենական և միջազգային գիտաժողովների:
Նրա ղեկավարությամբ պաշտպանվել է թեկնածուական 8 ատենախոսություն:
Աշխատություններ
- Հին Հայաստանի զենքը և ռազմական գործը» (ռուսերեն, Երևան, 1966),
- Հյուսիսարևելյան Հայաստանի հնագույն ցեղերի մշակույթը (Երևան, 1976)
- Հին Հայաստանի քանդակը» (Երևան, 1980)
- Հին Հայաստանի բրոնզե գոտիները (գերմ., Մյունխեն, 1985)
- Հին Հայաստանի սպառազինությունը (ռուսերեն, Երևան, 1986)
- Օշական I (համահեղինակ, ռուսերեն, Երևան, 1988)։