Ousseynou Dione’s biography, net worth, fact, career, awards and life story

Dr Ousseynou Dione (* 25. März 1973) isch e senegalesische Fuessballspiler, wu au de dütsch Pass het.

Dr Inneverteidiger het bis im Dezember 2006 bisher 20 Spile in dr dytsche 2. Fuessballbundesliga absolviert un debi 2 Tore – beidi in dr Saison 2003/2004 bim SSV Jahn Regensburg – gschosse. Devor het er fer d’Sportfreunde Siegen in dr Regionalliga Süd und fer dr SV Wacker Burghausen in dr 2. Bundesliga gspilt. Nooch em Abstig vu Rägensbirg isch er noch e Johr im Verein bliibe, bis bis er bim Oberligaufstiger 1. FC Eschborn e neue Vertrag underschribe het. No Statione bim KFC Uerdingen 05 un bim CS Petingen isch er sit anno 2011 bim FC Progrès Niederkorn agstellt.

Im März 2006 het dr Dione Schlagziile gmacht, wil er währendem Fuessball-Wettskandal 2005 mitdeilt het, ihm seie im November 2005 vu eme ubekannte Aruefer 40 000 Euro bote worre, wenn er sich an ere Spilmanipulation in dr Regionalligaparti vum 1. FC Eschborn gege dr FC Augsburg beteilige dät. Dr Dione het säll Angebot abglähnt und si Verein benochrichtigt, wo s’Landeskriminalamt igschaltet het. Wil dr Anruefer vergesse gha het, si Nummere z’underdrucke, hän die Verdächtige schnell gfasst werre chänne.

Suschtigs

• Dr Dione isch dr erscht Torschütz in ere Zweitligasaison vum SSV Jahn Regensburg vor heimischem Publikum gsi sit em ledschde Zweitligaufstig vu dr Oberpfälzer anno 1977. Säll Tor het er bim 1:2 vu dr Rägensburger gege Arminia Bielefeld am 19. September 2003 gschosse.

Statione

• 2001-2003 Sportfreunde Siegen, SV Wacker Burghausen
• 2003-2005 SSV Jahn Regensburg
• 2005-2006 1. FC Eschborn
• 2006-2008 KFC Uerdingen 05
• 2008–2011 CS Petingen
• sit 2011 FC Progrès Niederkorn

Quelle

• Ousseynou Dione in dr Datebank vo fussballdaten.de
• Ousseynou Dione in dr Datebank vu Weltfussball.de
• Ousseynou Dione in dr Datebank vu Transfermarkt.de
• Spilerprofil bi uk.soccerway.com