| Intro | Componist |
| Was |
Musician Composer |
| From | South Africa |
| Type | Music |
| Birth | 1921 |
| Death |
South Africa |
| Dirk Izak Catoggio de Villiers | ||
|---|---|---|
| Geboorte |
(1921-11-01)1 November 1921 Simonstad, Kaapprovinsie, Unie van Suid-Afrika |
|
| Afsterwe | 2 Julie 1993 (op 71) Onrus, Kaapprovinsie, Suid-Afrika |
|
| Beroep(e) | Komponis, musiekpedagoog | |
| Genre(s) | Volksmusiek | |
| Musiekportaal | ||
Dirk Izak Catoggio (Dirkie) de Villiers (1 November 1921 – 2 Julie 1993), bekende Suid-Afrikaanse komponis en musiekpedagoog, is op 1 November 1921 te Simonstad gebore en is die seun van ds. M.L. de Villiers wat Die Stem gekomponeer het. Hy was van 1941 tot 1956 onderwyser en lektor in die Kaapse Skiereiland en op Graaff-Reinet. Daarna is hy aangestel as inspekteur van skoolmusiek in die Vrystaat. Hy was saam met dr. Gawie Cillié en prof. Jacques Malan mede redakteur van die Koraalboek (1946) en in 1961 die hoofredakteur van die FAK-sangbundel. In 1974 het hy met die orkestrale onderwysprogram begin, wat jare lank enig in sy soort in Suid-Afrika was. De Villiers het ook op die hersieningskommissie van die Psalm- en Gesangboek gedien, en het ‘n Afrikaanse vertaling vir Nkosi Sikelel’ iAfrika die lig laat sien. Hy het veral bekendheid as stigter van die Vrystaatse Jeugkoor verwerf.
De ViIIiers komponeer ook talle skoolliedere en verwerk Afrikaanse volksliedjies. Sy beste werke is waarskynlik sy toonsettings van Waar die nag in ademlose stilte (teks deur sy vrou, Doll de Villiers) en D.F. Malherbe se Slaap, wat ook die eerste toonsetting van dié gedig is.
Van sy ander werke is toonsettings van Grense en Winterbome van N.P. van Wyk Louw, Skoppensboer van Eugène Marais en Komaan!: Wees sterk! van Jan F.E. Celliers.
Hy het op Onrus afgetree en is op die ouderdom van 72 aan emfiseem oorlede.
Bronnelys
- Wêreldspektrum, Vol. 5, 16, ISBN 0 908409 46 X
- Gekry vanaf http://152.111.1.87/argief/berigte/dieburger/1993/07/03/3/18.html