| Intro | Welsh comedian |
| Is |
Comedian Stand-up comedian |
| From | United Kingdom |
| Type |
Entertainment Humor |
| Gender | male |
| Birth | 1980, Swansea, United Kingdom |
| Age: | 40 years |
| Residence | Cardiff, United Kingdom |
Digrifwr yw Dan Thomas (ganed yn 1980) sy’n perfformio yn y Gymraeg a’r Saesneg. Mae’n arbenigo mewn comedi stand-yp ond mae hefyd yn ysgrifennu dramâu ac yn perfformio mewn meysydd eraill.
Bywgraffiad
Ganwyd Dan yn 1980 a magwyd ef yn Abertawe gan fynychu Ysgol Gyfun Gŵyr – mae bellach yn byw yng Nghaerdydd. Yn ôl ei set llwyfan, magwyd ef mewn teulu cenedlaetholaidd iawn oedd yn cefnogi Cymru annibynnol a mudiadau gweriniaethol. Mae’n gefnogol iawn i’r Gymraeg ac yn perfformio setiau yn yr iaith. Mae hefyd wedi cymryd rhan yn nosweithiau comedi Stand Up For Wales a drefnir gan fudiad Yes Cymru. Er hyn, dydy ei set ddim yn dueddol o fod yn or-wleidyddol.
Gyrfa
Dechreuodd berfformio comedi stand-yp yn 2005 gan ddod yn gomedïwr llawn amser yn 2010.
Cyrhaeddodd rownd derfynol y Welsh Unsigned Stand Up Awards 2010 a gwobrau cylchgrawn ‘Loaded’ y LAFTAS 2010. Ef oedd enillydd cyntaf erioed cystadleuaeth Dog Eat Dog Stand Up De Cymru.
Mae wedi perfformio ar draws Prydain mewn lleoliadau bri-uchel megis, y Glee Club, Highlights, The Comedy Store, Komedia ac mewn amryw o ŵyliau comedi gan gynnwy Gŵyl Gomedi Machynlleth a Gŵyl y Green Man.
Yn 2011, dewiswyd Dan i gefnogi Russell Kane ar ei daith Brydeinig gyda sioe enillydd Gwobr Perrier, “Smokescreens and Castles” ac ar daith arall Russell, “Manscaping”.
Mae wedi perfformio yn y Gymraeg mewn nosweithiau gyda comedïwyr eraill fel Phil Cooper , ar gyfres gomedi Gwerthu Allan ar S4C, ar Radio Cymru ac ym Maes B yn yr Eisteddfod Genedlaethol.
Teledu
- Deal or No Deal – gweithio fel artist ‘twymo’r tŷ’ sy’n cael cynulleidfa mewn hwyliau da cyn dechrau ffilmio rhaglen, ar gyfer sawl sioe
- Houseguest – ar ITV
- Funny Business ar BBC Wales
- Gwerthu Allan – cyfres 2 ar S4C
Radio
- The Rhodri Williams Show – ar BBC Radio Wales
- What’s The Story? – cynhyrchiad BBC Radio Wales/Tidy Productions).
- Chaos at the Glee Club (Goldrush Productions)
- The World of Acting (Clare Sturges Productions)
Llwyfan
Mae wedi ysgrifennu drama And The Killer Is… a oedd yn sioe a werthodd bob tocyn yn 2010.
Dolenni allanol
- Gwefan Swyddogol
- Sianel Youtube Dan Thomas
- Dan Thomas ar Twitter
- Clip o routine ‘Dog Orgasm Guy’