| Intro | российский учёный |
| A.K.A. | Alexei Abakumow |
| Is | Scientist |
| From | Russia |
| Type | Science |
| Gender | male |
| Birth | 20 September 1946, Ishimbay |
| Age: | 73 years |
Абакумов Алексей Алексеевич (20 сентябрь 1946 йыл) — совет һәм Рәсәй ғалимы, юғары мәктәп уҡытыусыһы. Рәсәй Федерацияһы Электротехник фәндәр академияһының мөхбир ағзаһы (2000) һәм ағза-корреспонденты (1995), техник фәндәр докторы (1985), профессор (1987).
Донъя һәм Рәсәй практикаһында тәүге тапҡыр газ-нефть үткәргестәрҙе һәм башҡа эре габаритлы ҡорамалдарҙы магнитлы интроскоп ҡулланыуға нигеҙләнгән диагностикалау ысулдарын тәҡдим итә. 1982 йылда матрицалы феррозондлы үҙгәрткес менән магнитлы интроскоптың тәүге тәжрибә өлгөһөн эшләгән. Магнитлы интроскопты шурфтарҙа, газ-нефть үткәргестәрҙең изоляция ҡатламын боҙмайынса өҙлөкһөҙлөк етешһеҙлектәрен диагностикалауҙа һәм торба эсе тикшереү ҡорамалдарының эҙләү системаларында файҙаланыу мөмкинлеген нигеҙләй.
Биографияһы
Алексе́й Алексе́евич Абаку́мов 1946 йылдың 20 сентябрендә Башҡорт АССР-ының Ишембай ҡалаһында тыуған.
- Ишембайҙың 1-се мәктәбен тамамлай (1963);
- Томск радиоэлектроника һәм электрон техника институтын тамамлай (1969);
- Мәскәү автомеханик институт аспирантураһы (1975).
1967 йылда Салауат нефть химияһы комбинатында эшләй башлай. 1968 йылда «Башнефть» производство берекмәһенең «Ишембайнефть» нефть-газ табыу идаралығына, тәрәндәге насослы штангаларҙы магнитлы диагностикалау буйынса инженер вазифаһына эшкә алына. 1969 йылдан алып Ишембай нефть техникумында уҡыта, 1971—1987 йылдарҙа Өфө нефть институтының электротехника кафедраһында уҡытыусы булып эшләй, 1986 йылдан ошо кафедра мөдире, бер үк ваҡытта 1972 йылдан Өфө нефть институтының Салауат филиалында электротехника кафедраһы мөдире.
1987 йылдан алып «МИФИ» ядро милли тикшеренеү университеты филиалы — Обнинск атом энергетикаһы институтының электротехника һәм электроника кафедраһы мөдире, бер үк ваҡытта 1999 йылдан башлап «Интроско» (Обнинск ҡалаһы) Үткәргес торбаларҙы диагностикалау үҙәгенең генераль директоры.
Фәнни эшмәкәрлеге
СССР-ҙа беренсе булып эре габаритлы газ-нефть ҡорамалдарын, шул иҫәптән газ-нефть үткәргесәрҙе лә (1970 йыл), магнитлы интроскоптар ярҙамында диагностикалау ысулдарын тәҡдим итә. Өҙлөкһөҙлөк дефектынан таралған магнит ҡырын визуалләштереү өсөн матрицалы үҙгәрткес, дефекттар һүрәтен эшкәртеү, уларҙың геометрик үлсәмдәрен: оҙонлоғон, киңлеген һәм тәрәнлеген үлсәү өсөн телевизион-иҫәпләү ысулдары һәм саралары уйлап тапҡан.
170 ғилми хеҙмәт авторы, шул иҫәптән 7 китап һәм магнит диагностикаһы өлкәһендә 94 уйлап табыуға авторлыҡ таныҡлығы һәм патенты.
Ҡайһы бер хеҙмәттәре
- Газ-нефть үткәргестәрҙе магнит диагностикалау М., 2001 (авторҙаш).
- Ер аҫты үткәргес торбалар магнитоскопияһы барлыҡҡа килеүе: иҫтәлектәр. М., 2005.
Әҙәбиәт
- АБАКУМОВ Алексей Алексеевич// Ишембай энциклопедияһы. Өфө: Башҡорт энциклопедияһы, 2015, С. 51.
- Абакумов Алексей Алексеевич//Ғилми фекер. Ишембайҙа тыуған : Йыйынтыҡ /төҙөүсе Вәхитов Г.- Ишембай: МБУК ЦБС ИКБ, 2014.-44с. С. 4-5.
Ғаиләһе
Өйләнгән, улы, ҡыҙы, ейәне бар. Улы — Алексей, Обнинск атом энергетикаһы институтының компьютер системалары, технологиялары һәм селтәрҙәре кафедраһы уҡытыусыһы.
Һылтанмалар
- Абакумов Алексей Алексеевич Рәсәй Фдерацияһы электротехник фәндәр академияһы сайтында